JANAMATPOST.COM :: NEWS FOR ALL

स्वास्थ्य सेवा विभागको महानिर्देशकमा डा श्रेष्ठ

काठमाडौँ । स्वास्थ्यमन्त्री दीपक बोहराले आज मन्त्रिस्तरीय निर्णय गर्दै डा विनोदमान श्रेष्ठलाई स्वास्थ्य सेवा विभागको महानिर्देशक नियुक्त गर्नुभएको छ ।

स्वास्थ्य मन्त्रालयका उपसचिव डा बाबुराम खनालले मन्त्री बोहराले प्रमुख विशेषज्ञ डा श्रेष्ठलाई महानिर्देशकको जिम्मेवारी दिनुभएको जानकारी दिनुभयो । बा¥हाँै तहका डा श्रेष्ठले आउँदो चैतमा अवकाश पाउँदै हुनुहुन्छ ।

नियमानुसार स्वास्थ्य सेवा विभागको महानिर्देशकमा १२ औँ तहको कर्मचारी नियुक्त हुनुपर्ने व्यवस्था छ ।

मन्त्री बोहराले नियमविपरीत ११ औँ तहका डा तारानाथ पौडेललाई निमित्त महानिर्देशकको जिम्मेवारी दिनुभएपछि बहाल रहेका अर्का निमित्त महानिर्देशक डा राजेन्द्र पन्त आफूमाथि अन्याय भएको भन्दै सर्वोच्च अदालतमा गुहार्न पुग्नुभएको थियो ।

सर्वोच्चले डा पन्तलाई पुरानै जिम्मेवारीमा फर्काउन अन्तरिम आदेश दिएसँगै विवाद उत्पन्न भइरहेको थियो । डा श्रेष्ठ महानिर्देशक भएसँगै डा पन्त आफ्नो दरबन्दी रहेको राष्ट्रिय क्षयरोग केन्द्र ठिमी भक्तपुर र डा पौडेल पश्चिमाञ्चल क्षेत्रीय अस्पताल पोखरा फर्कनुहुने बुझिएको छ ।

Share Button
Loading...

Leave a Reply

Your email address will not be published. Required fields are marked *